Muqdisho,15.Sept.2010:

Raisulwasaaraha soomaaliya cumar C/rashiid cali sharmaarke oo shalay dib ugu soo laabtay magaalada Muqdisho ayaa ka codsaday xildhibaanada baarlamaanka inay gacan ka geystaan xalinta khilaafka xargaha jabsaday ee u dhaxeeya isaga iyo Madaxweynaha.

R/wasaaraha oo kula hadlayay hoygiisa ayaa sheegay in dowladda oo xilligan mareysa xaalado adag loo baahan yahay in laga gudbo waxyaabaha caqabadaha ah ee keeni kara in dowladda buuq ku furanto.

"Waa la socotaan khilaafka hada jira, waxaa idin ka codsanayaa inaad joojisaan nin jecleysiga, khilaa-fka hada jirana aad gacan ka geysataan xalintiisa"ayuu yiri R/wasaaraha oo hadalkiisa u muuqday mid quus ah.

Dhinaca kale waxaa uu sheegay in isagu aanu ku dhawaaqin in la qabto shirweyne afti loogu qaadayo meel ka baxsan Muqdisho, isagoo wararkaas ku tilmaamay mid been abuur ah.

"Dadka waxbaa isaga qaldan, aniga kuma dhawaaqin in shir afti qaran loogu qaadayo dastuurka meel aan Muqdisho aheyn lagu qabto, maxaa yeelay Muqdisho ayayba waajib tahay in lagu qabto, waayo ciidamo caalami ayaa jooga"ayuu yiri R/wasaare sharmaarke.

Waxaa uu sheegay in xukuumadiisa ay wado qorshayaal ay ku dooneyso inay ku qabato gobolada dal-ka, isagoo xusay in dadaaladaas ay haatan u marayaan meel fiican sida uu hadalka u dhigay.

Khilaafka ka dhex oogan madaxweynaha iyo R/wasaaraha ayaa cirka isku shareeray, markii xildhiba-ano boqol kor u dhaafaya ay xukuumada ka geeyeen mooshin ka dhan ah.

Xafiiska Muqdisho iyo wararkii ugu danbeeyay