Madaxweynaha soomaaliya Shariif shiikh axmed oo lagu wado inuu ka qeyb galo shirka baarlamaanka.
 

Muqdisho,15.Sept.2010:Madaxweynaha Soomaaliya Shariif shiikh axmed ayaa lagu wadaa inuu ka qeyb galo shir saaka baarlamaanka uu ku yeelanayo xarunta golaha shacabka oo ah goobta u asteysan shirarka baarlamaanka.

Sida ay wararku sheegayaan madaxweyne Shariif ayaa khudbad u jeedin doona baarlamaanka, iyadoo la filayo inuu diirada ku saaro khilaafka cusub ee u dhaxeeya isaga iyo R/wasaarihiisa ee ku wajahan arrinta dastuurka.

Ammaanka xarunta golaha shacabka ayaa si aad ah loo adkeeyay, halkaasoo lagu arkay taangiyada ay leeyihiin ciidamada Amisom iyo gawaarida qafilan ee aan xabaduhu karin.

Xildhibaanada ayaa ku qul qulaya xarunta golaha shacabka, iyagoo baaritaano lagu sameynayay, waxaana Mobilka gacanta ahaa mid gudaha xarunta aan loo ogolaaneyn oo banaanka looga reebay.

Sidoo kale xarunta golaha shacabka ayaa waxaa xaadir ku ah warbaahinta qeybahooda kala duwan, kuwaasoo aroortii hore ee saaka tagay xarunta halka uu ka socdo kulanka baarlamaanka oo goor dhow bilowday.

Kulanka xildhibaanada baarlamaanka u soconaya ayaa si dhab ah loo ogeyn ajandaha loogaga hadlayo, inkastoo shalay uu baaqday kulan lagu waday in xukuumada codka kalsoonida loogu qaado, kadib markii laga soo gudbiyay mooshin.

Xafiiska Muqdisho iyo wararkii ugu danbeeyay