Muqdisho,20.Sept.2010

Gudoomiyaha Gobolka Banaadir ahna Duqa magaalda Muqdishu Max’uud Axmed Nuur Tarsan oo u waramay Radio Muqdishu ayaa sheegay in Maleeshiyaadka Shabaab ay qorsheeynayaan boobka hantida Shirkadaha Isgaarsiinta, Xawaaladaha iyo guud ahaan hantida Ummada oo dhan.

Gudoomiye Tarsan ayaa cambaareeyay dhacii  shalay loo gaystay qaar ka mid ah Xarumaha warbaahinada ku yalaa goobaha ay ku sugan yihiin Maleeshiyaadka dowlada ka soo horjeeda, isagoo intaa ku daray taasi ay muujinayso hanka shabab ee ah in la dhaco dhamaan hantida Ummada, isagoo uga digay ganacsatada Shirkadaha iyo xawaaladaha ku sugan deegaanadooda in ay ka fakaraan Mustaqbalka hantidooda, qorshaha Shabaabna uu xiligan iyaga ku wajahanyahy isagoo ugu baaqay in ay isaga soo tagaan deegaandaasi  si hantidooda ay u badbaado.

Gudoomiye Tarsan ayaa ugu dambayntii ugu baaqay dhalinyarada yar yare  ee ay soo qaldeen horjoogayaasha Ajaaniibta iyo Soomaalida isugu jirto in ay ka fakaaran mustqbalkooda, islamrkaana ay ka soo tagaan shabab isagoo sheegay in dhalintu markaa ay heli doonaan waxbarasho iyo wax walba oo ay horumar ku gaari karaan.

hadalka gudoomiyaha gobolka Banadir ayaa imaanaya xili maalmihii ugu dambeeyay maleeshiyaadka Shabaab ay sii kordhiyeen boobka hantida shacabka